ہمارا مشن (Our Mission)

“خالص دین، مستند علم اور اتباعِ سنت کا عزم”

آج کے اس پُرفتن دور میں جہاں سوشل میڈیا علمِ دین کے حصول کا ایک بڑا ذریعہ بن چکا ہے، وہیں یہ پلیٹ فارمز فکری انتشار کا باعث بھی بن رہے ہیں۔ ہم ایک ایسے نازک وقت سے گزر رہے ہیں جہاں:

قرآن و سنت کے نام پر ذاتی آراء، من گھڑت خیالات اور عقلی تاویلات کا بازار گرم ہے۔

عقیدہِ توحید کے مقابلے میں شرک کے مختلف مظاہر عام ہو رہے ہیں۔

اتباعِ سنت کے بجائے بدعات کا رواج بکثرت پایا جاتا ہے۔

دین کی آڑ میں مخصوص گروہی تعصب، فرقہ واریت اور ذاتی سوچ کو اسلام بنا کر پیش کیا جا رہا ہے۔

ایسے حالات میں ایک عام مسلمان کے لیے حق اور باطل کے درمیان فرق کرنا مشکل ہو گیا ہے اور انٹرنیٹ پر سرچ کرنے پر اکثر ایسی گمراہ کن باتیں سامنے آتی ہیں جو عقل و شعور کو دنگ کر دیتی ہیں۔

ہمارا مقصد (Objective)

ہم نے اس علمی پلیٹ فارم کی بنیاد اسی لیے رکھی ہے تاکہ اُن مخلصین کی صف میں شامل ہو سکیں جو قرآن و حدیث کی صحیح ترویج کے لیے کوشاں ہیں۔ ہمارا مقصد کسی مخصوص فرقہ وارانہ سوچ کے بجائے خالصتاً “قال اللہ و قال الرسول ﷺ” کی دعوت کو عام کرنا ہے۔

آپ اس ویب سائٹ سے کیا حاصل کریں گے؟

ہم اس پلیٹ فارم کے ذریعے آپ تک پہنچائیں گے:

تفسیر القرآن: سلف صالحین کے فہم کے مطابق کتاب اللہ کی تشریح۔

فقہ الحدیث: احادیثِ رسول ﷺ سے مستنبط علمی و عملی مسائل۔

احکام و مسائل: آپ کے روزمرہ کے سوالات کے مستند جوابات اور شرعی رہنمائی۔

مسنون دعائیں: زندگی کے ہر موڑ پر رسول اللہ ﷺ کی بتائی ہوئی پیاری دعائیں۔

علمی و عملی آگاہی: معاشرے میں پھیلی بدعات و خرافات کا علمی رد اور سنتِ نبوی کا اثبات۔

ہماری کوشش ہے کہ یہاں جو کچھ بھی شیئر کیا جائے، وہ مکمل تحقیق اور مستند حوالوں پر مبنی ہو، تاکہ آپ کا ایمان اور عمل دونوں محفوظ رہ سکیں ابھی چیک کریں بس لگائیے گا نہیں